Analisti Arjan Curri dhe ish-presidenti i Kosovës, Behgjet Pacolli, do të përballen në gjykatë pas padisë për shpifje dhe fyerje të ngritur nga Pacolli. Seanca gjyqësore është caktuar të mbahet më 10 tetor në Gjykatën e Shkallës së Parë të Tiranës.
Pacolli ka ngritur padinë pas deklaratave që Curri bëri lidhur me vrasjen e Liridona Ademajt nga bashkëshorti i saj Naim Muresli. Curri deklaroi se Muresli, ish-këshilltari i Pacollit, dyshohej për një lidhje romantike me një burrë tjetër, duke lënë të kuptohej se bëhej fjalë për Pacollin.
Në reagimin e tij, Curri mohoi çdo shpifje apo fyerje dhe theksoi se deklaratat e tij kanë qenë thjesht opinione. Ai gjithashtu shtoi se në vend që të përqendrohet në zbardhjen e motiveve të vrasjes së Ademajt, Pacolli po investon në gjyqe kundër gazetarëve dhe fjalës së lirë.
Deklarata e Currit për Top Channel Curri, në një reagim për Top Channel, tha se nuk kishte kryer shpifje dhe se pretendimet e Pacollit për dënimin e tij me burg ishin të pabaza. Ai vazhdoi duke ironizuar Pacollin dhe duke kritikuar mënyrën se si ai po trajton këtë çështje në vend të fokusimit në drejtësinë për viktimat.
Në janar të këtij viti, këshilltari i Pacollit, Jetlir Zyberaj, paralajmëroi padinë ndaj Currit, duke e akuzuar për shpifje dhe duke sugjeruar se analisti ishte paguar për deklaratat e tij.
