Pas disa javësh në hetim, policia arrestoi në zyrën e tij, gjyqtarin e Gjykatës së Tiranës, Ibrahim Hoxhën, nën akuzën e korrupsionit. Në pranga ranë edhe 3 persona të tjerë mes të cilëve edhe i biri i gjyqtarit.
Ibrahim Hoxha është gjyqtari që muaj më parë rrëzoi padinë e ngritur nga gazetari i njohur Muhamed Veliu në emër të portalit Lapsi.al për shpifje, në një artikull të publikuar në faqen zyrtare.
Pas arrestit të gjyqtarit ditën e djeshme, gazetari Veliu ka reaguar me një postim në rrjetin social facebook, ku ka ftuar prokurorin që do të hetojë çeshtjen të ketë në vëmendje edhe padinë e tij për të cilën Hoxha e mori vendimin në favor të drejtuesëve të portalit Armand Shkullakun dhe Andi Bushatin, të cilët sot qendrojnë të heshtur dhe nuk shkruajnë për atë që ka ndodhur…
