Prej dy muajsh seriali H.O.T ka nisur transmetimin duke bërë për vete shumë teleshikues me ngjarje dinamike, situata komike por edhe prekëse. Sot u dha edhe episodi 10 i serialit, që është edhe i fundit i sezonit të parë. Dhe si i tillë kishte rezervuar një surprizë për ndjekësit.
Pjesë e serisë është bërë edhe Besnik Krapi i cili ka luajtur krah bashkëshortes së tij Jonida Vokshi, një nga aktoret kryesore të H.O.T. Teksa Dani është në burg, Amanda(Jonida) në një gjendje të rënduar psikologjike tenton vetëvrasjen. Dhe është pikërisht Besniku ai që e shpëton.
Sigurisht kjo hyrje është pritur shumë mirë nga publiku, teksa nuk dihet nëse Besniku do jetë pjesë e serialit në sezonit e dytë. Kjo nuk është hera e parë që ai luan krah Jonidës, pasi ata janë njohur në xhirimet e “O sa mirë”. Por, tani që e dimë raportin e tyre, të gjithë do donim t’i shihnim tek luajnë krah njëri-tjetrit.