Aslaido Zaimaj tregon ekskluzivisht për InfoMedia – Albania rrugëtimin e tijë si fitues i The Voice Of Albania 4.
The Voice of Albania mbylli edhe këtë vit me sukses rrugën e tijë të gjatë në përzgjedhjen e vokalit më të mirë të edicionit të katërt. Fituesi i këtij The Voice u shpall Aslaidon Zaimaj, një djalë i ri që muzikën e ka në gjakë që në femijëri. Nje rocker i lindur për të qënë i suksesshëm, që bëri publikun shqiptar për vete me personalitetin dhe vokalin e tij. I thjeshtë dhe fjalëpak ai arriti të emocionojë jurinë dhe publikun për javë të tëra përpara ekranit te Top Channel. Vokali më i mirë i shqiptarëve, Aslaidon erdhi i fundit në audicionet e fshehura por doli me kupën e fituesit si një kampion i vërtetë.
Aslaido pse vendosët të merrnit pjesë në The Voice Of Albania 4?
Kur babai im më tha se më kishin pranuar për audicionet në The Voice of Albania i thashë vetes: Ky është shansi më i mirë për mua si këngëtar për t’i treguar njerëzve zërin tim dhe për tu vlerësuar nga profesionista.
Kur kalove audicionet e fshehura cfarë mendove në ato momente?
Mendova se ndoshta nuk jam aq i keq si këngëtar (Qesh) dhe u habita por u gëzova shumë.
Cila ka qenë faza më e vështirë në The Voice, ku i ke thënë vetes “këtu mbaron ëndrra ime”?
Në të gjitha fazat kam menduar se nuk do i kaloja por mund të them që performanca më e vështire për mua ka qenë “I’m still standin – Elton John”
Po performanca juaj më e mirë ku keni dhënë maksimumin duke ngelur dhe vetë i habitur nga ajo që keni realizuar në skenë?
Për mendimin tim kënga e finales “Bohemian rhapsody” ka qenë më e mira. Më ka emocionuar jashtmase, dhe u habita kur pashë mënyrën se si manaxhova skenën në atë rast.
Trajneri juaj ishte Genc Salihu. Si ishte mardhënia e juaj me të?
Mardhëniet me Gencin ka qenë që në fillim shumë të mira, e trajtonim njeri-tjetrin si shok por kur punonim sëbashku krijohej një atmosferë që kurrë s’do ta harroj.
Materialet muzikore që këndoje në The Voice ishin zgjedhjet tuaja personale apo të Gencit?
Gjithmonë në bashkëpunim dhe bashkëkuptim me Gencin.
Kujt konkurent i trëmbeshit më shumë në finalen e The Voice?
Sigurisht Albinës.
Sot që flasim ju jeni fitues i The Voice Of Albania. Si ndiheni, si ishte kjo eksperiencë për ju?
Normal që ndihem mirë, por vetëm tani po mësohem me faktin që jam fitues. Pa dyshim mund të them që ka qenë eksperienca më e mirë qe kam pasur deri tani.
Në momentin kur Ledioni thiri emrin tuaj si fitues, çfarë menduat në ato çaste?
Për 20 sekondat e para nuk kam menduar asgjë, në fakt nuk kam kuptuar shumë nga çfarë po ndodhte rreth meje, pastaj u realizova që tha emrin tim.
Sipas mendimit tuaj cfarë e shtyhu publikun të votoj Aslaidon për ta shpallur fitues dhe si kanë qënë komentet mbas fitores?
Nuk mund ta them me plot siguri por mendoj se performanca e fundit me këngën “Bohemian rhapsody” ka tërhequr vëmendejen e publikut dhe ndoshta ngjyra e vokalit tim. Vlerësimet e publikut janë gjëja më e bukur për një këngëtar, të paktën për mua janë shumë të rëndësishëm.
E keni menudar The Voice si një tranpolinë për të ardhem tuaj në tregun muzikor shqiptar?
Po, The Voice është tranpolina më e lartë për një këngëtar të ri këtu në Shqipëri. Eshtë fillimi më i mirë për mua si këngetar.
Rryma muzikore që e konsideroni si terrenin tuaj cila është?
Janë dy rrymat kryesore që konsideroj si të përshtatshme për mua, muzika black (soul. r n b. blues) dhe rock në përgjithësi, por mbas The Voice jam më i hapur për të provuar rryma të tjera.
Projektet tuaja për të ardhmen si artist do të jenë në Shqipëri apo në Itali?
Për momentin nuk kam marrë vendime të rëndësishme por di se çfarë dua të bëj dhe sigurisht kam në plan të nxjerr këngë origjinale. Sigurisht në Shqipëri.
Dhe në fund një mesazh për lexuesit e Info Media – Albania dhe fansat tuaj?
Të dashur lexues në rradh të parë ju falenderoj nga zemra për suportin që më keni dhënë dhe për këngëtarët që janë duke lexuar në këtë moment dua t’ju them të mos trremben nga gjykimi i njerëzve për zërin e tyre dhe të provojnë eksperienca të reja si The Voice of Albania
EKSKLUZIVE // INFO MEDIA ALBANIA / Intervistoi G. Qerimi
