Konkurrentja e “Big Brother Vip”, Beniada Nishani ka marrë pjesë në një film dramatik italian të vitit 2018, me regji nga Paolo Sorrentino. Filmi flet për grupin e biznesmenëve dhe politikanëve që jetojnë dhe veprojnë pranë manjatit dhe politikanit të medias, Silvio Berlusconi (ish president i Milanit).
Beniada në këtë film luan rolin e një prej femrave të shumta te Berlusconit, ku duket se është edhe pjesë e trailerit zyrtar. Gjatë intervistës 4 vite më parë modelja bukuroshe, u shpreh se realizoi një nga ëndrrat më të mëdha, duke marrë pjesë në këtë trajler.
“Ishte shumë rastësor pasi mora pjesë falë fjalëve të një miku, në një nga cast-et e shumta që u bënë nëpër Itali. Pak për argëtim, pak si sfidë personale, vendosa të marr pjesë. Pas disa provave me skenarë të ndryshëm, arrita të realizoj një nga ëndrrat e mia më të mëdha”, ka thënë Beniada asokohe.
