Nata e sotme e Big Brother ishte një nga puntatat më interesante, e cila përfundoi me 5 të larguar në total nga spektakli.
Aventura në Big Brother për çiftin nga Berati, Ejona dhe Adem, ka përfunduar mbrëmjen e së shtunës. Ata ishin në nominim gjatë kësaj jave së bashku me çiftin Fotini-Danjeli dhe publiku vendosi që të jenë Ejona dhe Ademi të eliminuarit e kësaj mbrëmje, duke humbur mundësinë për të fituar çmimin e madh. Ëndrra e tyre ishte të futeshin në shtëpinë më të famshme në Shqipëri dhe këtë e realizuan, por publiku vendosi që atë të largohen natën e sotme. Dita më e bukur për ta në shtëpi ishte ajo e kaluara, kur Big Brother organizoi dasmën për ta brenda në shtëpi. Ejona u shpreh se ishte dita më e bukur në jetën e saj.
Big Brother vendosi që mbrëmjen e sotme t’u komunikojë banorëve në shtëpinë e beqarëve të vërtetën mbi lojën. Atyre ju komunikua se deri tani nuk kanë hyrë ende në realit show-n Big Brother dhe se ende nuk janë bërë pjesë e konkurrentëve për të fituar çmimin e madh, i cili këtë edicion do të fitohet jo nga një person, por nga një çift. Më pas, atyre u vendoset një klip me momentet dhe afrimi që djemtë kanë pasur me vajzat dhe lidhjet midis tyre.
Pas ju komunikua e vërteta e madhe për lojën, banorëve në shtëpinë e beqarëve ju bë i ditur vendimi i publikut për zgjedhjen e çifteve. Çifti i parë ishte Xheni dhe Benardi, të cilët të dy pranuan të vazhdojnë lojën dhe për të fituar çmimin e madh. Dona dhe Musa ishte çifti i dytë i zgjedhur nga publiku. Po ashtu si çifti i parë dhe ata pranuan zgjedhjen e bërë nga publiku dhe pranuan të vazhdojnë lojën. Çifti tjetër i zgjedhur nga publiku ishte Armela dhe Damiano. Vajza pranoi të vazhdojë lojën në çift me Damianon, ndërsa ky i fundit tha se deri tani kishte patur probleme dhe debate, por “këto ja lëmë të shkuarës dhe presim të mira për të ardhmen”, tha Damiano. Ndërkohë e kundërta ndodhi me Kleodianën dhe Eganjtin, një çift të zgjedhur nga publiku, por ata nuk pranuan të vazhdojnë së bashku.
“Nuk gjej një pikë që mund të vazhdojmë së bashku, e shoh shumë të vështirë”, tha Egnajti, duke mos e pranuar këtë zgjedhje. Të njëjtën përgjigje dha edhe Kleodiana.
Kleodiana, Egnajti dhe Liridoni përfundojnë aventurën e tyre në Big Brother. Ndërsa për Liridonin, publiku nuk mendoi se mund të krijonte një çift për të vazhduar më tej lojën dhe kështu edhe ai humbet mundësinë për çmimin e madh.
Për këtë javë uk ka çifte të nominuar, por publiku do të votojë gjatë javës për t’i dhënë imunitetin një çifti. Publiku do të votojë për çiftin që i pëlqen më tepër dhe ata për javën që vjen do të jenë imunë. Ndërkohë, Katerina dhe Lupçe u zgjodhën nga banorët e shtëpisë si liderët e kësaj jave. Ata do të qëndrojnë në një ambient tjetër nga ai i banorëve, në dhomën e shpërblimit të çifteve, ku gjatë kësaj jave qëndroi Fiorentina dhe Olsi. PËR TË ZGJEDHUR ÇIFTIN IMUN VOTONI NË: 56666 NGA SHQIPËRIA DHE 55099 NGA KOSOVA.