Edicioni i tretë i “Big Brother VIP Kosova” do të nisë më 18 tetor dhe premton të jetë një spektakël plot surpriza.
Për herë të parë, produksioni është nën drejtimin e Olsa Muhametit, e njohur për eksperiencën e saj të suksesshme në formate të ngjashme. Prezantimi do të drejtohet nga Alaudin Hamiti dhe Jonida Vokshi, ndërsa rolet e opinionistëve janë marrë nga aktorja Olta Gixhari dhe Milaim Zeka.
Ky edicion do të jetë gjithashtu i veçantë për transmetimin e tij në tri platforma kryesore, përfshirë Art Motion, Digitalb dhe Tring, duke garantuar një mbulim të gjerë dhe përfshirje ndërshqiptare.
Me këto ndryshime, “Big Brother VIP Kosova” synon të rrisë nivelin e tij në konkurrencën e reality show-ve, ndërsa pjesëmarrësit dhe formatet e reja priten të mbajnë audiencën të angazhuar dhe të emocionuar gjatë gjithë sezonit.
