Britania e Madhe është bërë vendi i parë në botë që miraton vaksinën Pfizer / BioNTech për përdorim të gjerë.
Rregullatori britanik, MHRA, thotë se vaksina, e cila ofron mbrojtje deri në 95% kundër sëmundjes Covid-19, është e sigurt për t’u shtrirë javën e ardhshme.
Imunizimet mund të fillojnë brenda ditësh për njerëzit në grupe me përparësi të lartë.
Britania e Madhe tashmë ka porositur 40 milion doza – të mjaftueshme për të vaksinuar 20 milion njerëz, me dy doza secili.
Rreth 10 milion doza duhet të jenë në dispozicion së shpejti, me dozat e para që mbërrijnë në Mbretërinë e Bashkuar në ditët në vijim.
Kjo është vaksina më e shpejtë që ka dalë në treg ndonjëherë,duke marrë vetëm 10 muaj për të ndjekur të njëjtat hapa zhvillimi që normalisht zgjasin një dekadë.
Sekretari i Shëndetësisë Matt Hancock njoftoi në Tëitter se “NHS është gati të fillojë vaksinimin në fillim të javës tjetër”.
Megjithëse vaksinimi mund të fillojë, njerëzit ende duhet të qëndrojnë vigjilentë dhe të ndjekin rregullat e koronavirusit për të ndaluar përhapjen, thonë ekspertët.
Kjo do të thotë se njerëzit do të duhet të vazhdojnë të respektojnë distancën sociale, të mbajnë maskat mbrojtëse si dhe të testohen njerëzit që dyshohet se e kanë virusin dhe të respektohet karantina.
