Copa del Rey, ja arsyeja zyrtare pse Finalja nuk u transmetua në Tring Sport

Fundi i vitit 2015 solli në Tring Sport një nga eventet sportive spanjolle të njohur me emrin Copa Del Rey ose Kupa e Mbretit, për të cilën platforma televizive njoftoi se zotëronte të drejtat televizive për tre sezonet e ardhshme. E megjithatë finalja e këtij kampionati, sikurse na kanë raportuar në redaksinë tonë nuk është transmetuar në Tring Sport.

Nisur nga raportimet e shumta në redaksinë tonë nga abonentë të platformës të cilët janë ndjerë të mashtuar nga ky fakt, InfoMedia Albania ka kontaktuar Tring të cilët na kanë dhënë këtë përgjigje:

Tring ka te drejtat e transmetimit te Copa del Rey per sezonet 2015/16, 2016/17 dhe 2017/18. Te drejtat jane per te gjitha ndeshjet duke nisur nga muaji dhjetor (faza e 1/16 te finaleve) dhe deri ne finale (me perjashtim te kesaj te fundit) Finalja e Copa del Rey nuk eshte tenderuar ne paketen e te drejtave qe ka siguruar Tring.

Por nëse kjo është arsyeja e mos transmetimit të këtyre takimeve, a nuk do të kishte qenë më mirë që publiku të informohej me transparencë të plotë se cilët do të ishin takimet për të cilat Tring zotëronte të drejtat kur u zyrtarizua fillimisht blerja e këtij kampionati?

Për të marrë këtë përgjigje ne kontaktuam me Drejtorin e Sportit Jagert Dyrmishi, i cili shpjegon se:

Ne siguruam te drejtat per 3 sezone, pa finalen e kompeticionit.

Ne lidhje me publikun, ne gjithnje publikojme kalendaret e ndeshjeve ne faqen tone zyrtare, promo te ndryshme si dhe ne rrjetet sociale. Finalja e ketij viti Barca-Sevilla nuk eshte reklamuar qe do transmetohej ne Tring. Promot ne Tring ne lidhje me Copa del Rey jane bere gjithne per ato ndeshje qe jane transmetuar.

E kuptoj qe tingellon disi cuditshem ky rast, por nuk varet nga ne. Nese do te kishte patur nje tender per finalen e kupes, Tring do te kishte marre pjese.