Teksa situata e pandemisë COVID-19 vazhdon të jetë shqetësuese për të gjithë globin, një lajm shpresëdhës vjen nga Shtetet e Bashkuara të Amerikës.
Ambasada amerikane në Tiranë bën me dije se tre vaksina kanë hyrë në fazën e tretë të testimeve, hapi i fundit drejt krijimit të një vaksine të sigurt dhe efektive para miratimit nga qeveria
Në njëreagim në rrjetet sociale, ambasada shkruan se administrata e ShBA-ve ka investuar miliarda dollarë për të përshpejtuar krijimin, prodhimin dhe shpërndarjen e vaksinave, ndërkohë që dhjetëra mijëra njerëz janë ofruar si vullnetarë për ta testuar atë.
“Tre vaksina kundër Covid-19 të financuara nga Shtetet e Bashkuara kanë hyrë në fazën e tretë të testimeve klinike, hapi i fundit drejt krijimit të një vaksine të sigurt dhe efektive para miratimit nga qeveria. Nderkohë që vaksinave zakonisht iu duhen vite për t’u përfunduar, përmes operacionit Warp Speed, administrata po investon miliarda dollarë për të përshpejtuar krijimin, prodhimin dhe shpërndarjen e tyre. Dhjetra mijëra njerëz janë ofruar të testojnë vaksinën në mënyrë vullnetare, për t’u siguruar që ato të jenë të sigurta dhe efektive para se të aprovohen për përdorim të gjerë.” shkruan ambasada amerikane.