Spektakli i kërcimit një ndër më të ndjekurit në Shqipëri, ”Dance With Me 2 “starton në datën 21 shtator në televizionin Klan. U përfolën shumë emra dhe personazhe që do ishin pjesë e garës por më në fundë produksioni ka zgjedhur më të mirët e mundshëm.
Cifti i parë është Cekja (Sejfulla Myftari), aktori i humorit përkrahë Markela Dede, një tjetër aktore humori në Vizion Plus, në show-n Al-Pazar. Cifti i dytë do jetë këngëtari Stine dhe prezantuesja më karizmatike dhe e dashur për publikun Roza Lati. Ingrit Gjoni dhe aktori Herjon Mustafaraj janë cifti tjetër të cilët do provojnë pistën e vallëzimit. Irena Kita avokate dhe fashoniste tepër e njohur dhe DJ Sardi, një ndër emrat më të mirë të muzikës dance në vend. Fituesja e edicionit të dytë të ”X Factor”, Arilena Ara në këtë konkurs do jetë përkrah Labinot Gashit, moderatorit të njohur nga Kosova i cili drejton emisionin “Një kafe me Labin”. Konkurenti suprizë gazetari Drini Zeqo, i sapo rikthyer në televizionin Klan nga një eksperiencë si moderator në spektaklin rival të Dance With Me, do të kërcej përkrah bukuroshes gazetares sportive Viola Spiro. Të fundit dhe jo më pak të rëndësishmit janë këngëtarja Albërie Hadërgjonaj, një ndër divat e muzikës së lehtë shqiptare,sëbashku me kampionin në fuqi të reality show-t më të ndjekur Big Brother Albania, Vesel Kurtishaj.
Juria në ndryshim me vitin e kaluar, këtë vit do ketë një risi, në vend të Ilir Abdylit është ulur Albi Nako, që do mbajë dhe postin e kryetarit të jurisë e pjestarët e tjerë janë Valbona Selimllari dhe Robert Aliaj. Nën moderimin e Alketa Vejsiut dhe regjinë e të madhes Vera Grabocka, Dance With Me Albania 2 vjen çdo të hënë për publikun në televizionin Klan.
