Dita e madhe e startimit të “Dancing With The Stars 5” është pikërisht sot në prime time, ekskluzive në “Vizion Plus”. Megjithatë ky start nuk është aspak i qetë, pasi ka ditë që janë informuar largime galopante njerëzish të këtij spektakli. Portale të ndryshme informative në web bëjnë me dije se largimet e Ronela Hajati, Ingrid Gjoni dhe disa balerinëve janë si pasojë e fuqisë së dobët financiare të produksionit. Domethënë, në gjuhën e popullit, mospërputhje lekësh.
Stafi i “IMAlbania.com” ka kontaktuar me stafin e brendshëm të “Dancing…” për të sjell dritë mbi të vërtetën reale të këtyre largimeve. Kundërshtohet kategorikisht mospajtimi financiar nga ana e balerinëve. Sipas këtij burimi të besueshëm, vetë producentja i ka “larguar” për t’i zëvendësuar me balerinë të tjerë shumë më profesionistë, gjë që e bëjnë edhe spektaklin më të suksesshëm dhe më serioz. Ndërsa përsa i përket VIP-ave të larguar ka qenë një zgjedhje e tyre personale. Por produksioni i ka zëvendësuar ata në kohë rekord dhe janë gati për spektaklin e premierës këtë mbrëmje. Valbona Mema, këngëtarja e mirënjohur e muzikës popullore të Shqipërisë së mesme dhe modelja shqiptare që punon jashtë vendit, Heidi Lushtaku.
Ajo që bie në sy me gjithë këto probleme që sinqerisht nuk janë të vogla, është siguria maksimale që vetë produksioni ka në show-n që do të realizohet. Me një besim maksimal premtohet spektakël i paparë në skenë, natyrisht për të vërtetuar edhe vendin e parë ose jo si spektakli më i mirë dance në ekranet shqiptare.
Gjithsesi, se sa e vërtet është kjo natyrisht na ngelet për t’u parë këtë mbrëmje, ekskluzivisht në një transmetim të katërfishtë në katër kanale televizive, “Vizion Plus”, “RTK 1”, “ART Televizion” dhe “MKTV 2”. “Dancing…” është një patentë origjinale e “BBC World Wide” dhe vjen në Shqipëri për të pestin vit radhazi nga producentja Holta Dulaku dhe “Media Vizion sh.a.”.
IMA / S. Dema
Po, dws do jete natyrisht me i ndjekur nga dwme, por fakti qe kunder juria do jene dy idiote, qe nuk gjejne veten, ia zbeh vlerat…. krahasohet Blendi, Mira, e ai gazetari qe eshte ne juri?…..Pa diskutim zgjedhje ne urgjence e siper….