Delinda Disha, është aktorja e cila shkakton të qeshura cdo javë me
skecet skenika, dhe në fakt po aq gazmore sa në skenë duket se është
edhe në jetën e vërtetë.
E ftuar së fundmi në emisionin ‘Glamour Zone’ në TV ORA, Delinda
Disha ka treguar një nga momentet më të sikletshme në skenë.
Ester Bylyku: Për çfarë je skuqur për here të fundit nga sikleti në skenë?
Delinda Disha: Mbaj mend që ka qenë një numër i personazhit të Betit,
dhe unë duhej të shkoja tek publiku. Dhe duke bërë tekstin, konkretisht i
drejtohesha 2-3 meshkujve të rastësishëm në publik. Duhej edhe të
përshtasja tekstin, edhe të gjeja një mashkull në publik.
Dhe mashkulli i tretë që ka qenë, ishte një djalë që punon te lokali i televizionit.
Dhe kur iu hodha atij përsipër, ai u skuq, unë u skuqa nga sikleti, por më ndodhi krejt rastësisht. Dhe u vura unë në siklet, se u vu ai në siklet. Ditën tjetër më takoi dhe më tha: Po mirë mi Deli, mua më gjete? (qesh)