Ashtu si ju informuam edhe më parë, platforma televizive Digitalb ditën e 1 Qershorit do të lanconte kanalin më të ri origjinal të sajin. Edhe pse ende nuk ishte zbuluar asgjë detaj nga ana e kompanisë, mesnatën e sotme është bërë edhe shtimi i emrit të këtij kanali në listën e DGA.
Të pozicionuar në kanalin 23, Digitalb ka bërë ribrandimin e kanalit të vjetër Plus HD, duke i dhënë atij një emri të ri të titulluar Family HD. Ky është ndryshimi i tretë që i bëhet këtij kanali, sa i përket emrit të tij.
Ndërkohë, Digitalb sqaron për IMA se kanali nuk do të ketë ndryshim në programacion. Skema programore e Family HD do të jetë identike si kanali i vjetër Plus HD.
Ai u lancua për herë të parë më 12 Prill 2008, si DigitAlb HD-3. Ndryshimi i dytë ka ardhur më 10 Nëntor 2011 në emrin Plus HD./imalbania.com/
