Pas humjes në marrjen e liçencës së transmetimit për kampionatin e “Champions League” për sezonet 2015-2018 dhe revoltës së abonentëve që me padurim prisnin këtë kampionat sportiv, Digitalb ka vendosur që të bëjë një promo të re për paketat e SuperSport. Me anë të figurës së Ilda Bejlerit, Digitalb inkurajon abonentët që të ndjekin kampionatet që në të vërtetë në Shqipëri nuk kanë interes të veçantë duke arritur një shikueshmeri relativisht të ulët.
”Zjarri” i Ismet Drishtit ku prezantueset e lajmeve dalin gjysëm zhveshur, paska qenë vetëm thyersi i akullit për mediat shqiptare. Në promon e re që nxit abonentet te kalojne në paketen Premium, prezantuesja Ilda Bejleri shfaqet buzë detit në një mënyrë tepër provokuese, të ngjashme me promot e kanaleve hard, ku në fund të promos ajo heq edhe pjesën e sipërme të rrobave të banjës me slloganin “Që t’i shohësh të gjitha Kalo në Premium”. Por jo gjithmonë ndodh që ajo që na ofrohet të na pëlqej të gjithëve! Duket se Digitalb ende nuk e ka marrë mesazhin e abonentëve, “Zhgënjimin”!
IMA / J. Kasaj
