Virtual Reality është teknologjia më e re multimediale që mundëson një eksperience të re visive të përmbajtjeve video, që na bën të mundur të përjetojmë kohën dhe vendin që shohim sikur të ishim aty në 360°. Fillimisht në kinema, për të kaluar tek paisjet mobile dhe së fundmi edhe në transmetimet televizive, VR është kthyer në një trend të momentit. Edhe Youtube tashmë ofron video në formatin e realitetit virtual.
Edhe në Shqipëri duket se përveç mundësisë për t’a provuar realitetitn virtual do të kemi mundësinë të shohim produksione origjinale shqiptare në këtë format. I pari produksion VR, është vidoklipi muzikor i grupit Asgjë Sikur Dielli.
“Disident” është titulli i këngës më të re që grupi i njohur kosovar do të publikojë shoqëruar me videoklipin të xhiruar në formatin VR. Premiera e klipit, që është financuar nga Telekom Albania, do bëhet në një mbrëmje të veçantë të premten më 15 prill, ora 20:00 tek @Telekom Community Store, ku grupi Asgje Sikur Dielli do të mbaj edhe një koncert live.
