Ori Nebiaj garon si kandidate për deputete e Partisë Demokratike në Tiranë.
Ori , e ftuar në “Breaking”, në Top News, foli për angazhimin në politikën dhe mbështetjen që ka marrë nga publiku këto ditë. “Ishte shumë emocionuese. Kemi qenë në biseda të vazhdueshme, por nuk e dija se do të isha kaq pranë mandatit tim”, tha Nebiaj.
Ori, së bashku me Isli Islamin moderojnë emisionin e mëngjesit në Top Channel, “Wake Up”. Por, a do të vazhdojë të merret me gazetarinë, nëse bëhet deputete, pas zgjedhjeve parlamentare të 25 prillit? “Ishte një nga periudhat më ta bukura, që më kanë ndihmuar të jem kjo që jam. Por do të ndaloj në gazetari. Kolegët janë shumë mbështetës. Edhe njerëzit në rrugë më thonë ah çdo na mungosh, por duam të të shohim në foltoren e parlamentit. Nuk harrojnë të më motivojnë si një të re, e cila ka nevojë për mbështetjen e tyre”, u përgjigj Ori.
