Kiara Tito ka qenë një nga protagonistet e ditëve të fundit në shtëpinë e “BBV” pas rihyrjes në reality show, teksa e ka gjetur veten në një “përplasje” me Efin dhe disa banorë të tjerë, por edhe nën “lupën” e opiniostëve të programit në Prime dhe komenteve jo edhe aq dashamirëse nga publiku, që e kanë gjykuar negativisht sjelljen e saj. Sot, Kiara arriti që të pajtohej me Efin dhe të qetësohej e qartësohej në lojën e saj, ndërkohë që jashtë shtëpisë, babai i saj ka dhënë një deklaratë për herë të parë për situatën ku ndodhet e bija.
I ftuar ditën e sotme në emisionin “Ftesë në 5” ai u shpreh shumë i prekur nga komentet për vajzën, që kalojnë edhe kufijtë e ofendimeve, dhe po ashtu tha se nuk është dakord me fjalët e opininistëve të programit.
“Unë jam prind, jam shumë i prekur për shumë gjëra. Kiara është ‘hip se të vrava, zbrit se të vrava’. Aty u dha një pjesë e videos dhe askush nuk mund ta kuptonte se çfarë ishte thënë. Jam i lumtur që ato u pajtuan. Dhe kur fola me Kiarën i thashë merre Efin në telefon, por tha e mora folëm. Prandaj unë nuk e kuptoj pse u bë kjo situatë kshtu, pse degjeneroi…
Pashë një analist që thoshte se Kiara u fut që të mos fitojë Luizi, ky ishte kulmi. Shiko Kiara nuk është futur aty për ta fituar. Të të pyes ty Bieta, do të të vinte inat që i dashuri yt të fitonte?…”- tha ndër të tjera i ati moderatres, duke bërë me dije se ishte i gatshëm të vinte në Shqipëri me avokatët e tij, nëse do të vazhdonte ky sulm dhe fushata e shpifjeve ndaj së bijës.
