Në puntatën e sotme të “Për’puthen”, Rrushja zhvilloi takimin e radhës me Erionin dhe gjatë gjithë kohës pati shumë afrimitet mes tyre.
Takimi u zhvillua në ditën e Shën Valentinit, Erioni ishte kujdesur të përgatiste një darkë romantike dhe i dhuroi një buqetë me trëndafila të kuq.
Mes dy konkurrentëve, nuk kanë munguar as flirtimet, të cilët në një moment afrimiteti Erioni pothuajse puthë Rrushen.
Rrushja: Më pëlqejnë shumë buzët e tua!
Erioni: Do t’i provosh?
Rrushja: Çfarë po mendon tani ?
Erioni: Gjëra të bukura dhe të pista…
Rrushja: Më thuaj të mirat
Erioni: Di që ndihem shumë ngrohtë pranë teje…
Afrimiteti mes Erionit dhe Rrushes bëri që Mikela të mos e shihte më takimin dhe të linte studion. Pas saj shkoi Erioni, i gjendur në siklet nga situata mes dy vajzave.
Mikela tha se ajo që e acaroi më shumë, është fakti se Erioni nuk bën asnjë dallim mes saj dhe Rrushes.
“Sikur 1% më shumë, kë pëlqen më shumë. Të thotë nëse ka pak më shumë pëlqim për Rrushen, nuk e kam problem, ama dua ta di”, tha ajo.
Rrushja nga ana e saj tha se nuk do t’ia dijë se çfarë mendon Mikela, pasi interesin e ka te Erioni. “Jemi ndjerë shumë mirë me njëri-tjetrin”, tha ajo.
Erioni dhe Rrushja njihen që nga jashtë “Për’puthen”, pasi kanë pasur një njohje pesë vite më parë. Ndërsa nga ana tjetër Mikela është deklaruar për Erionin në “Për’puthen Prime”. Gjithsesi, kjo gjë nuk u prit shumë mirë në fillim nga ky i fundit.
