Largimet dhe ndryshimet në Top Channel kanë qenë të shumta këtë vit. Pas ikjes nga “Portokalli”-a të Bes kallakut dhe Erion Isait, listës së të larguarve i është bashkuar dhe moderatorja e “Pasdite në Top Channel”, Jonida Shehu.
Pas disa mosmarrëveshjeve Jonida është larguar nga puna, një vendim ky i pakthyeshëm. Por duket se largimet nga ky televizion nuk janë mbyllur me kaq. Një tjetër personazh i njohur mësohet se ka lënë Top Channel. Bëhet fjalë për gazetaren dhe ish-moderatoren e ‘Pasdite në Top Channel’, Lira Burgija.
Burgija nëpërmjet një postimi në rrjete sociale është shprehur se është punësuar pranë Giz Albania si përgjegjëse e marrëdhënieve me publikun. Prej vitesh ajo ka qenë gazetare ekonomie në Top Channel, ndërsa tani duket se do i dedikohet tërësisht këtij profilit të marrëdhënieve me publikun./Blitz.al/
