Edicioni i ri i Big Brother sërish pa Arbanën, publiku i pakënaqur me këtë vendim!

Edicioni i ri i Big Brother nuk do të prezantohet nga Arbana Osmani, sikurse ishte paralajmëruar muaj më parë nga vetë ajo nëpërmjet një postimi në instagram.

Reality show më i ndjekur në Shqipëri do të ketë si drejtues në edicionin e tij të 9-të Ledion Liçon, i cili duket se nuk do të heq kaq lehtë dorë nga formati të cilin prezantoi për herë të parë vitin e kaluar. Megjithatë edhe Arbana nuk do të mbetet pa emision në sezonin e ri. Ditë më parë InfoMedia Albania zbuloi ekzkluzivisht se prezantueses i është besuar versioni shqiptar i formatit “C’e Posta Per Te”, me titull ship me “Dua të të bëj të lumtur”.

EKSKLUZIVE | “C’e Posta Per Te” në Top Channel me Arbana Osmanin?!

Ky program pritet të jetë edhe risia e sezonit, jo më kotë Top Channel ka rikthyer autoren e famshme italiane, Alessia Grieco Vessicchio, për realizimin e tij në nivelet më të larta.

ledion lico talk show

Besimi për të dytin vit rradhazi të Big Brother, Ledion Liços, nga ana tjetër nuk është pritur aspak mirë nga fansat e formatit, të cilët prisnin me padurim rikthimin e Arbanës në prezantimin e tij. Arbana Osmani prej shtatë vitesh ka drejtuar programin e rekordeve, duke pasur gjithmonë në krah aprovimin e publikut në mënyrën e prezantimit.

Prezantimi vitin e kaluar nga Ledion Liço, u pa si një zgjidhje e përkohëshme, për shkak të tërheqjes nga ekrani që prezantuesja vendosi të bëj pas ardhjes në jetë të djalit të saj të parë. Ledion Liço mund të jetë prezantues shumë i zoti, por nëse publiku do të vendoste të zgjidhte, padyshim nuk do të hezitonte dy herë. Në sondazhin e IMA, të hapur muaj më parë, nga rezultati i votimit duket qartë se cili do të ishte prezantuesi ideal i formatit për lexuesit.

SONDAZH | Ledion Liço VS. Arbana Osmani // Cilin do të donit si prezantues…

Arbana Osmani është zgjedhja e parë dhe nëse kjo do të sjellë të tjerë minus në preferencat e teleshikuesit përgjegjësia do të bjerë padyshim në vendimet që Top Channel është duke ndërmarrë kohët e fundit.

Po ju a jeni të kënaqur me këtë vendim? Komentoni në rrjetet tona sociale!

 

Copyright IMAlbania.com | Ndalohet kopjimi pa autorizim nga redaksia.

REKLAMA
loading...

KOMENTO

This site uses Akismet to reduce spam. Learn how your comment data is processed.