EKSKLUZIVE | “C’e Posta Per Te” në Top Channel me Arbana Osmanin?!

Ëndrra e shumëpritur e fansave të televizionit italian, tashmë duket se do të bëhet shumë shpejt realitet!

Sezoni i ri televiziv në Top Channel, mesa duket do të jetë bombastik, i mbushur plot me formate të reja të cilat i kishin munguar prej kohësh ekranit.

Pasi ju kemi informuar ekskluzivisht mbi disa nga formatet e reja në TCH që priten të fillojnë në Shtator, si emisioni humoristik i Ledion Liço, apo edhe formati social i Vodafone Fondation, InfoMedia Albania ka arritur të zbulojë edhe një format të ri i cili me shumë gjasa ka për t’u bërë pjesë e Top Channel.

Shumë janë munduar ta kopjojnë për ta sjellë në ekran një format të tillë, ku emocionet dhe dashuria janë mesazhi që përcillet tek publiku, por tashmë pas një suksesi të padiskutueshëm në Spanjë, Greqi dhe Marok, “C’è Posta Per Te” e Maria De Filippi tashmë do të vijë edhe në Shqipëri. Burime të InfoMedia Albania pranë Top Channel kanë bërë me dije se Top Channel ka arritur të mbyllë marrveshjen me produksionin Fascino për të sjellë formatin origjinal të Mediaset në ekranin e gjigandit mediatik në Shqipëri.

Por nuk mbaron me kaq, një nga moderatoret më të dashura të ekranit, Arbana Osmani, mund të jetë edhe prezantuesja e këtij formati i cili pritet të vij në Shtator, por ende i pakonfirmuar nga ana e Top Channel. Vallë Arbana do t’a arrijë suksesin e zonjës së televizionit italian si Maria de Filippi, me një format që kërkon vërtetë impenjim dhe kurajo?
Presim sezonin e ri televiziv, për t’a konfirmuar!

Copyright IMAlbania.com | Ndalohet rreptësisht kopjimi i këtij materiali pa autorizim nga redaksia. Çdo media që nuk përmënd burimin e informacionit do të ndëshkohet sipas ligjit në fuqi.//IMAlbania.com//

REKLAMA
loading...

1 Koment

KOMENTO

This site uses Akismet to reduce spam. Learn how your comment data is processed.