Tensionet dhe dinamikat brenda shtëpisë së “Big Brother VIP 3” (BBV3) vazhdojnë të jenë të larta, veçanërisht mes dy banorëve, Julit dhe Eglës, të cilët janë përfshirë më shumë në debate krahasuar me konkurrentët e tjerë. Gjatë një bisede të fundit mes Albit dhe Eglës, ajo ka shprehur qëndrimin e saj të fortë lidhur me sjelljen e Julit dhe ka paralajmëruar një veprim të rëndësishëm për të martën e ardhshme në ‘Prime’.
Egla është shprehur se në ‘Prime-n’ e të martës ka ndërmend të komunikojë me produksionin një çështje serioze që mund të çojë në skualifikimin e Julit nga loja. Ajo ka akuzuar Julin për ofendim të rëndë në drejtim të femrave, duke theksuar se një sjellje e tillë është e papranueshme dhe e pazakontë për një burrë familje si ai. “Mua të më thuash do heq brekët që të kënaqesh, unë kam vllezër kam personalitetin tim kam moshën time, unë nuk jam çupëlinë,” tha Egla, duke shprehur indinjatën dhe zemërimin e saj.
Sipas saj, kjo sjellje nga Juli ka prekur një aspekt të rëndësishëm të personalitetit dhe identitetit të saj si grua. “Ai është burr familje, dhe ai e ka fituar Big Brotherin e vet, më bëri mua për të qarë,” shtoi ajo.
Ky zhvillim tregon për një situatë të tensionuar dhe të pakëndshme që ka ndodhur mes dy banorëve dhe mund të çojë në ndryshime të rëndësishme në dinamikën e lojës. Publiku dhe ndjekësit e BBV3 presin me interes të madh të martën për të mësuar se si do të trajtohet ky çështje nga produksioni dhe cilat do të jenë pasojat për Julian.
