Ekonomia kineze u rrit me 3.2 përqind në tremujorin e dytë të këtij viti, duke e bërë atë ekonominë e parë që të rritet që nga shpërthimi pandemik, dhe Volkswagen i Gjermanisë po njofton një investim prej më shumë se 4 miliardë eurosh në tregun kinez.
“Hapja e tregut kinez do të sigurojë padyshim më shumë mundësi për Volkswagen,” i tha drejtori i Volkswagen-it Stephan Wollenstein për CCTV.
Sipas tij, kjo kompani gjermane do të investojë më shumë se 4 miliardë euro në tregun kinez gjatë vitit 2020, raporton Radio Ndërkombëtare Kineze (CRI).
Wollenstein theksoi se megjithëse pandemia ndikoi në treg, Volkswagen tregoi biznes të mirë në Kinë në gjysmën e parë të vitit, falë qeverisë kineze duke marrë një numër masash për të lehtësuar barrën për bizneset.
Më shumë mundësi për Volkswagen
Përveç kësaj, thotë ai, zgjerimi i hapjes së tregut kinez ka siguruar më shumë mundësi për Volkswagen.
Sipas një studimi të kompanisë së investimeve Janus Henderson, i cili anketoi operacionet e afro 900 kompanive, më me borxhe është prodhuesi gjerman Volkswagen.
Sipas hulumtimit të fundit, VW ka borxh gati 192 miliardë dollarë, që është më shumë se shumë vende, siç është Hungaria (101.9 miliardë dollarë) dhe Republika e Afrikës së Jugut (180 miliardë dollarë borxh), shkruan SeeBiz.
