Formati i rradhës me VIP-a në Televizionin Klan “Your Face Sounds Familiar”, i cili do të moderohet nga Alketa Vejsiu që pritet të fillojë gjatë Janarit, do të mirëpresi në skenën e tij edhe disa nga këngëtarët më në zë të muzikës shqiptare.
Pas zbulimit që Alketa Vejsiu bëri gjatë natës finale të “Dance With Me 2” ku Rozana Radi do të jetë konkurente në këtë program të ri, InfoMedia Albania ka arritur të zbulojë dhe një tjetër emër që do të jetë pjesë e këtij formati ndërkombëtar. Është pikërisht Vedat Ademi, këngëtari kosovar i cili mund të konsiderohet si një ndër më të suksseshmit në muzikën shqiptare.
“Your Face Sounds Familiar” pritet të fillojë së shpejti në Televizionin Klan, ai është një format ndërkombëtar i Endemol, ku është shtrirë edhe në Europë, i cili ka arritur një sukses të jashtëzakonshëm dhe shikueshmëri maksimale.
Info Media Albania // J.Kasaj | Nuk lejohet kopjimi dhe riprodhimi i këtij materiali pa leje nga redaksia, nqs emrat nuk bëhen vetë publikë nga produksioni.
