Ndërkohë që kanë dalë disa nga emrat e personazheve pjesëmarrës në “Dancing With the Stars 6”, nuk kishte si të mungonte edhe programi rival i tij “Dance With Me”, i cili transmetohet në Tv Klan. InfoMedia Albania ka arritur të zbuloj disa nga personazhet të cilët do të garojnë në këtë kompeticion, në sezonin e tij të dytë.
Eli Fara, këngetarja simpatike e cila kurrë nuk e ka humbur rininë e saj, do të na tregoj aftësitë e saj në kërcim, gjithashtu do të jenë edhe këngëtarë të tjerë si Sinan Hoxha, i cili në fakt na e ka treguar veten e tij në këtë disiplinë nëpër videoklipe. Një tjetër emër i njohur i muzikës, do të jetë edhe Noizy, rrepisti i famshëm dhe ndër më të dëgjuarit në Shqipëri, i ndjekur nga këngëtarja e mirënjohur kosovare Mihrije Braha.
“Dance With Me” çeli edicionin e tij të parë vitin e kaluar, ai është një format i “Endemol” i blerë nga Tv Klan me producente Alketa Vejsiun dhe regjinë e Vera Grabockës. Ky format vitin e kaluar sipas sondazheve arriti t’ia kaloi edhe “Dancing With the Stars” në Vizion Plus përsa i përket shikueshmërisë.
IMA / J. Kasaj
