Para disa ditësh Top Channel njoftoi fillimin e transmetimit të serialit të njohur të Netflix, El Chapo ndoshta kjo përtej parashikimit të televizionit.
Pandemia e koronavirusit dhe masat e rrepta të qeverisë për të parandaluar përhapjen e këtij virusi, bërën që televizionet të ishin më të prekurat. Shumë programe u mbyllën dhe shumë të tjera vazhdojnë por pa të ftuar në studio. Top Channel ishte një ndër televizionet që ndryshe nga TV Klan vendosi që të mbyllte disa nga programet më të ndjekura, siç është “Dua të të Bëj të Lumtur” nga Arbana Osmani dhe “Portokalli” emisioni i njohur i humorit.
Menjëherë pas vendosjes së mbylljes së programeve, Top Channel transmetoi gjatë gjithë fundjavës të gjitha episodet e mbetura të serialit Trotsky në “prime time”. Në fakt, ishte e paparashikuar prurja më e re e televizionit, dhe kjo mesa duket vjen si një lëvizje “e shpejtë” ndaj TV Klan i cili tashmë prej javësh është duke transmetuar “Narcos” një pordhim gjithashtu i Netflix.
Top Channel do e transmetojë “El Chapo” çdo fundjavë, të premten, të shtunën dhe të dielën në orën 21.00 deri në orën 23.00
Filmi Serial “El Chapo” është nje serial televiziv i zhanrit të krimit, një bashkëprodhim i Netflix dhe Univision, bazuar në një ngjarje të vërtetë, një vështrim kronologjik në jetën e trafikantit famëkeq të drogës, Joakin “El Chapo” Guzman./IMA/
