Aktorja e njohur Hollywood-it, Ellen Pompeo është e gatshme për ta përfunduar serialin e saj hit, Grey’s Anatomy”, pas gati 20 vjetësh transmetim. 52-vjeçarja e shpërblyer me disa çmime e cila në dramën e famshme mjekësore portretizon rolin e kirurges së talentuar, Dr. Meredith Grey, po provon t’i bindë njerëzit që seriali duhet të arrijë në një përfundim të natyrshëm.
Episodi i parë i dramës televizive “Grey’s Anatomy” u transmetua në vitin 2005 dhe aktualisht është duke u transmetuar sezoni i 18-të i serialit.
Pompeo synon që së shpejti të largohet nga bota fiktive e mjekësisë për t’u fokusuar në atë të vërtetën. Ylli i njohur tani është fokusuar në angazhimin e saj për të pasur ndikim në kujdesin shëndetësor në jetën reale përmes realizimit të një sërë videolidhjesh me ‘Zoom’ në të cilat ajo shfaqet në biseda serioze dhe të rëndësishme me punonjësit e shëndetësisë dhe diskuton për çështje të tilla si racizmi në fushën e mjekësisë.
“Qëllimi ishte të sigurohej një hapësirë e sigurt për t’u zhvilluar biseda dhe ku njerëzit do të dëgjonin bisedat rreth asaj që po kalojnë punonjësit e kujdesit shëndetësor”.
Pompeo e cila shquhet si aktorja më e paguar në televizion po bën thirrje që të gjithë ta kenë të drejtën për të njëjtën cilësi të kujdesit shëndetësor që nuk ndryshon për shkak të rrethanave personale si gjinia, përkatësia etnike ose prejardhja socio-ekonomike.
