tuna

Tuna, këngëtarja e megahiteve “Fenix” dhe “MMV”, vendos këtë herë të sfidojë veten dhe të tjerët, në një zhanër shumë të dashur për të, vallëzimi.

valer kolnikaj

Valer Kolnikaj, model dhe finalist në edicionin e fundit të “Big Brother”, i komentuar si një prej figurave më kontroverse nga mediat, vjen në këtë garë me synimin për të bërë zhurmë mes konkurrentëve të tjerë.

ronela hajati

Ka lindur ne Tirane me 2 Shtator 1989. Dalja e e pare e Ronela Hajatit ne televizion shenon ne moshen 4-vjecare ne emisione femijesh.Qe e vogel ka studiuar piano dhe balet,pjesemarrese ne shume festivale femijesh duke permendur cmimin e pare ne Tetove,Maqedoni ne Festivalin e vitit. Me pas ne moshen 12 vjecare ka qene e pranishme ne spektaklin”Kerkohet nje yll”,duke vijuar 6 muaj me vone si nje konkurrente e TalentShow-t “Ethet e se premtes mbrema” dhe arriti te kualifikohej deri ne 30 kengetaret me te mire,ndonese ende nje femije.Me pas konkurrente ne “Poleposition”, Top Channel duke arritur deri ne finale. Ne moshen 16-vjecare,pjesemarrese ne “Star Academy 1″ Tv Klan,vleresohet me cmimin Best Performance pas 6 muajsh sfida te fituara. Viti 2006 do te shenonte kengen e saj te pare ne nje duet me Orgesa Zaimin ne festivalin Kenga Magjike,ku arriten te vleresoheshin me Cmimin”Tendence” me kengen e tyre “Requiem”.Ne vitin 2007 realizon kengen e pare solo”Me ty nuk shkoj” me kompozim te Flori Mumajesit. Ne vitin 2009 paraqitet ne Top Fest 6 me kengen”Shume nice” te Stines,duke arritur deri ne finale si dhe me kandidaturen ne Best R’n’B. Po ne tetor te 2009 Ronela paraqitet ne festivalin Kenga Magjike me kengen:”Kam frike te te dua” me text te Big Bastes dhe muzike nga Ervin Gonxhi.Viti 2010 do te shenonte shume shfaqje televizive,emisione,koncerte ne gjithe Shqiperine si dhe daljen e kenges “Harroje” me kompozim te Flori Mumajesit dhe text nga vete Ronela.Kenga shume shpejt u shnderrua ne hit si dhe fitoi cmimin”Televiziv” ne edicionin e 12 te festivalit “Kenga Magjike” si dhe u vleresua me 236 pikë votuar nga vete artistet e ketij festivali duke zënë vëndin e 17-të.Ka punuar si prezantuese e emisionit radiofonik “Helm” ne GM Radio.

rudi vata

Rudi Vata, ish-kapiteni i Kombëtares Shqiptare, lojtar në disa prej skuadrave më të mira në Shqipëri, njëherësh menaxher talentesh në UEFA, vjen në konkursin e vallëzimit të yjeve për të treguar se fusha e blertë nuk është e vetmja ku ai ka talent.

ingrit gjoni

Ingrit Gjoni, këngëtarja seksi e skenës shqiptare, pas suksesit të fundit në muzikë, vjen në garën e vallëzimit të yjeve për të dëshmuar aftësitë e saj si balerinë.

renis gjoka

Renis Gjoka, rrokeri më i kërkuar në jetën e natës, fitues i disa çmimeve të rëndësishme në festivale, shpalos prej më shumë se një dekade vlera të shkëlqyera vokale në skenën e muzikës. Nuk ka shumë kohë që ka publikuar këngën e rradhës, konkurrente në festivalin “Kënga Magjike”, ku ai e ka shijuar disa herë suksesin e një kupe. Ndërkohë, në fund të këtij viti pritet promovimi i albumit së bashku me një klip të ri. I angazhuar prej kohësh në fushata me tematikë sociale si: autizmi, barazia gjinore, etj, Renis Gjoka sfidon këtë herë veten dhe të tjerët në garën e vallëzimit.

evi reçi

Evi Reçi, këngëtarja e muzikës pop, e bërë e njohur për stilin e saj të veçantë, vjen në këtë konkurrim me synimin për të treguar një anë tjetër të saj.

kristi popa

Kristi Popa, një prej figurave më të dashura të skenës në vitet 2000, i shkëputur prej vitesh nga muzika, rikthehet në këtë edicion të “Dancing with the Stars Albania” për të treguar një tjetër aftësi, atë në kërcim.

ermal merdani

Ermal Merdani, fituesi i fundit i “Mister Albania”-s, konkurron në “Dancing” për të dëshmuar se djemtë e bukur dinë edhe të kërcejnë.

eva alikaj

 

Eva Alikaj, artisja e mirënjohur e teatrit dhe kinemasë shqiptare, pasi bëri breza të tërë që të dashurohen me interpretimin e saj brilant, vendos më së fundmi që këtë armë të saj ta përdorë në një kompeticion, ku gjuha e trupit është A-ja.

amos zaharia

Magjinë e kinemasë e ka provuar që herët kur ishte vetëm 12 vjeç, gjë që e ka bërë ta konsiderojë si jetën e tij. Por edhe roli i fundit në teatër e ka bërë ta dashurojë skenën.
Audicionin e parë e ka fituar shumë herët, katërmbëdhjetë vite më parë kur ishte vetëm 12 vjeç, në filmin “Vals”, dhe tanimë i numëron plot dhjetë role kinematografikë në karrierën e tij. Një karrierë që ka ardhur shtruar, graduale, jo nga ato të llojit që të bëjnë nga mbrëmja në mëngjes të famshëm, duke mos preferuar të përdorë kredenciale që i vijnë nga emri i mamasë, aktores së njohur Yllka Mujo. Ka preferuar të rritet rol pas roli për të arritur në pikun e tij, aty ku e duan të gjithë; produksionet televizive, në kinema dhe skena e teatrit.
Amos Zaharia është këto kohë padyshim aktori më i lakuar. Me rolet e tij ne filmin “Amaneti” – një produksion me regji të Namik Ajazit, “Millenium”, të Besnik Bishës, si dhe në skenën e teatrit me komedinë “Loja e dashurisë dhe e rastësisë”, nga Hervin Çuli, ku publiku pas të qeshurave dhe argëtimit ka duartrokitur zhdërvjelltësinë e tij, që ka ditur të bëjë edhe një rol dytësor të rëndësishëm dhe të dallueshëm. Duke vulosur me markën e tij –jo më i njohur thjesht si djali i aktores së madhe –por si një yll i ri i skenës me një stil krejt të veçantë interpretimi, aspak i ngurtë dhe shumë modern, edhe kur bie fjala të interpretojë role klasikë. “Nuk përpiqem të bëj asgjë ndryshe, thjesht e vë veten në situatën e caktuar dhe sillem sa më natyrshëm të jetë e mundur”, – rrëfen Amosi, duke shtuar se ka zgjedhur profesionin më të bukur; atë që e lejon të jetë krijues.

diellza kolgeci

Diellza Kolgeci, bukuroshja nga Kosova, me profesion juriste, e cila mban mbi krye edhe kurorën e një ‘miss’-i, vjen këtë herë përpara publikut me një rol të ri, atë të balerinës. Pasi ka eksperimentuar suksesshëm në disa zhanre të artit, si: këndim, prezantim, aktrim, e madje edhe stilim, Diellza futet në një kompeticion vallëzimi për të dëshmuar një tjetër potencial të sajin.

REKLAMA
loading...

1 Koment

KOMENTO

This site uses Akismet to reduce spam. Learn how your comment data is processed.