Është mbyllur edicioni i tretë i reality show të gatimit Hell’s Kitchen Albania në Top Channel.
Pas një sezoni të suksesshëm televiziv që u përballë edhe me vështirësitë e pandemisë Hell’s Kitchen ka një fitues. Ajo është Erkiada 33 vjeçarja e cila arriti të bind shef Renaton i cili nuk pati dyshime se këtë edicion e meritonte për herë të parë një vajzë.
Rrugëtimi i saj drejt shpalljes fituese nuk ishte i lehtë. Çdo puntatë ajo ishte nën presioneve të mëdha të shefit, por edhe të kolegëve të saj. Erkiada pati një konkurrencë të madhe në grup, sidomos me Joanën të cilat në përplasje e sipër arritën t’i hidhnin pjatat njëra-tjetrës. Ky veprim e rrezikoi Erkiadën me eleminin.
Por këmbëngulja, vullneti dhe profesionalizmi që e karakterizuan Erkiadën gjatë këtij rrugëtimi bënë të mundur që ajo të shpallej fituese. Edhe pse nuk fitoi, një vlerësim pozitiv mori edhe Donaldo i cili ka qenë protagonist gjatë gjithë rrugëtimit të tij në Hell’s Kitchen Albania 3.
Në finale ishin 4 konkurrëntë: Joana, Erkiada, Donaldo, Ergisa. Pas sfidës së parë, u eleminuan Joana dhe Ergisa, duke bërë që Donaldo dhe Erkiada të kalonin në finalen e madhe.
