Kur jemi në prag të ndeshjes Serbi – Shqipëri, e gjithë media on line është kapluar nga një debat i nxehtë kuq e zi. Tashmë dihet sponsori i ri i kombëtares, i cili është “DigitAlb” dhe buja që është krijuar nga ky i fundit.
Duke marr shkas nga e gjithë kjo rrëmujë sociale, një nga figurat kryesore të “DigitAlb”, Ermal Mamaqi, ka vendosur të mbroj platformën në fjalë për shkak të irritimit të tifozëve shqiptar. Ai ka hedhur një foto në Facebook, ku shfaq qartë mbështetjen e tij për “DigitAlb”, por ka hasur në një kundërshti masive të fansave të tij, aq sa e ka detyruar atë të hedh një tjetër status për t’u sqaruar. Përmes disa fotove të kombëtareve gjermane dhe italiane ai ka shpjeguar se jo vetëm kombëtarja shqiptare ka të shkruajtur emrin e sponsorit mbi shpinë. Megjithatë, fansat kanë vazhduar ta sulmujnë atë me komente të ndryshme.
IMA / S. Dema
