Aktori dhe humoristi i njohur, Ermal Mamaqi, ka reaguar ndaj komentit të bërë nga artisti i njohur Luizi. Gjatë një interviste në emisionin “Wake Up”, Mamaqi ka komentuar deklaratën e bërë nga Luizi disa javë më parë, ku ai e kishte cilësuar Mamaqin si një shkrimtar më të mirë se sa humorist.
“Luizi bëri një goditje poshtë brezit me këtë histori, ka diçka që e ka mërzitur, por ajo që kam thënë unë për Luizin ka qenë e sinqertë,” u shpreh Mamaqi. Ai shtoi se kishte vlerësuar Luizin më shumë si aktor se sa si këngëtar, duke shpjeguar se nuk e ka ndjekur shumë karrierën e tij si këngëtar.
“Nuk kam thënë s’di te këndojë. Kam thënë më pëlqei më shumë si aktor se sa si këngëtar se nuk i kam ndjek këngët e tij. Ai është mërzitur për këtë mesa duket. Por le ta lëmë me kaq e mos merremi më me këto muhabete,” deklaroi Ermali.
Kjo deklaratë e Ermal Mamaqit erdhi pas komentit të Luizit, i cili u shpreh në emisionin “Më lër të flas”, duke e cilësuar Mamaqin si një talent më të mirë në shkrim sesa në humor. Sipas Luizit, kjo ishte një përgjigje ndaj komenteve të Mamaqit, i cili e kishte vlerësuar më herët atë si një aktor më të mirë se sa këngëtar.
