Ndërsa debati për këngën “Toy” nga Netta Barzilai e cila u supozua të ishte e kopjuar nga hiti i The White Stripe, Seven Nation Army përfundoi në fillim të korrikut me vendimin e gjykatës që nuk vërtetoi asnjë problem me të drejtat e autorit, Eurovision Song Contest në Izrael vitin e ardhshëm është në një rrezik serioz.
Gil Omer, kryetar i bordit të korporatës transmetuese të Izraelit, i ka bërë thirrje kryeministrit Izraelit Binyamin Netanyahu dhe kërcënoi se korporata do të njoftojë në EBU këtë javë se do të heqë dorë nga zhvillimi i Eurovision 2019 në Izrael.
Korporata lokale ka vështirësi për të siguruar një garanci prej 12 milionë eurosh, të cilat EBU po kërkon të depozitohen në një bankë në Zvicër.
“Për dy ditë, Korporatës së Transmetimit të Izraelit do t’i kërkohet të sigurojë një garanci prej 12 milionë eurosh për të siguruar aktivitetin e Eurovision 2019 në Izrael, një pikë pa kthim, pas së cilës nëse garancia monetare nuk sigurohet tek EBU,situata nuk do të jetë e mundur të ndryshohet, dhe Eurovision 2019 nuk mund të ekzistojë në Izrael, “ shkroi Omar në letrën drejtuar shkroi Netanjahut.
Ai gjithashtu shtoi:“dy javët e fundit po bëj përpjekje të mëdha për të informuar vendimmarrësit për pengesat me të cilat përballemi, në mënyrë që të bëjmë çdo përpjekje për t’i zgjidhur ato. Me letra të ndryshme që kam dërguar gjatë kësaj periudhe, vura re se ne shohim një rëndësi të madhe në zhvillimin e konkursit në Izrael, si në aspektin e imazhit ashtu edhe në perspektivën ekonomike.”
“Për fat të keq, kërkesat tona të përsëritura për punë intensive për të zgjidhur problemet madhore që qëndrojnë për zhvillimin e aktivitetit në Izrael nuk janë përgjigjur”, shtoi Omer në letrën e tij drejtuar kryeministrit./IMAlbania.com/
