Një situatë aspak e këndëshme është krijuar ditët e fundit në vendin mikpritës të Eurovision 2019, Izraelin ku IPBC, Unioni i Transmetimit që ka marrë detyrën e përgatitjes së eventit për vitin e ardhshëm nuk ka arritur të sigurojë nga thesari i shtetit 12 milionë Euro si garanci që duhet paguar ndaj EBU, organizatorit të ESC.
Më parë, kreu i IPBC i ka dërguar edhe një letër kryeministrit të vendit ku i kërkonte shumën për garanci por mesaduket gjithçka ka shkuar në vend të shurdhës. Kryeministri Hetanjau gjithashtu ka deklaruar se shuma nuk duhet të paguhet nga shteti por nga vetë Unioni i Transmetimit sipas buxhetit që disponon.
Eurovision 2019 në rrezik për zhvillimin në Izrael, dhe shkaku nuk është kënga
Sipas raportimeve, Ministria e Financave të Izraelit ka refuzuar lëvrimin e shumës për organizimin e eventit duke bërë që IPBC të arrijë një marrëveshje me një bankë për marrjen e një kredie në shumën e kërkuar e cila duhet të paguhet sa më parë në llogarinë e European Broadcasting Union.
Prodhimi i Eurovision në Izrael kap vlerën e 35 milion eurove dhe IPBC supozohej që shuma e garancisë duhej të dorëzonte në 1 Gusht tek EBU. Por kjo e fundit, pranoi marrëveshjen për shtyrjen e datës në 14 Gusht.
Tashmë, Eurovision 2019 do të zhvillohet në Izrael ku na pritet që të mësojmë më shumë në javët në vazhdim./IMALBANIA.COM/
