Lamtumirë “100 Milionë”, Top Channel vjen me një format të ri game show

Top Channel këtë sezon të ri televiziv do të vijë me një program tërësisht të riformatuar me imazhe dhe programe të reja.

Para pak orësh, televizioni kombëtar ka prezantuar edhe formatin e tij më të ri “game show”, i titulluar “Dilema” ku ka premtuar emocione të mëdha për publikun dhe marrëveshje të rralla financiare.

Nën drejtimin e Eno Popit, formati do të vendosi përballë konkurentit 20 kuti. Në fakt mund të duket një format i ngjashëm me “Kutia e Fundit” një game show, i cili është transmetuar vite më parë në TV Klan nën drejtimin e Enkel Demit, por ndryshe nga formati i mëparshëm, mesaduket konkurenti do të sfidohet edhe nga pyetje të ndryshme.

Top Channel bën me dije se formati do të të jetë një program ditor nga e Hëna në të Premte në orën 18.20. Për të gjthë ata që duan të bëhen pjesë e spektaklit, TCH ka lancuar edhe modulin e aplikimit në linkun http://aplikime.top-channel.tv/dilema/

Eno Popi gjatë sezonit të kaluar televiziv moderoi një tjetër “game show”, 100 Milionë i cili mesa duket është anulluar për këtë sezon televiziv./IMA/

REKLAMA
loading...

KOMENTO

This site uses Akismet to reduce spam. Learn how your comment data is processed.