Jemi mësuar t’i shohim si prezantuese në televizion dhe radio, opinioniste në disa formate por dy vajzat thumbuese tashmë vijnë edhe si modele. Aulona dhe Fatma vazhdojnë të na surprizojne me daljet e tyre. Sëfundmi ato janë bërë imazhi i një koleksioni veshjesh që pritet të jenë edhe tendenca e kësaj vere.
Eshtë fjala për koleksionin “Ethet e pikave” i stilistes Stella Sallaku, një projekt që lind si bashkëpunim i Maison Stella Sallaku me Revistën Living. Ideja për realizimin e këtij koleksioni merr frymëzim pikërisht nga motivet polka dots, një print ky që konsiderohet ikonë e modës botërore. Veshjet janë realizuar me materiale pak të kushtueshme dhe mund të blihen me çmime të përballueshme për të gjitha xhepat.
Foto e fushatës promocionale janë realizuar nga fotografi i talentuar Endrit Mërtiri.