Lindja e një fëmije konsiderohet si ngjarja më e lumtur në jetën e një nëne, por për disa, lindja mund të nxjerrë në sipërfaqe ndjenja të fshehura të ankthit dhe mërzitjes. Kur këto ndjenja zgjasin shumë në kohë dhe ndërhyjnë në jetën dhe marrëdhëniet e përditshme, njihen ndryshe edhe si Depresioni Postpartum. Rreth kësaj periudhe ka folur për herë të parë edhe moderatorja e njohur Fatma Methasani, teksa ishte e ftuar në “E ardhmja është vajzë” në ABC me autore dhe moderatore Ermira Çaushollin.
E gjendur përballë mikeshës së saj më të mirë, Suada Daci, Fatma rrëfeu në rubrikën “Në mundsh” se periudhën e paslindjes e ka përjetuar shumë keq. Kjo pasi, moderatorja tregoi se është marrë me detaje të vogla siç ishin ndryshimi i menjëhershëm i jetës dhe shtimi në peshë, që tani i vlerëson si detaje komplet të parëndësishme.
“Shumë pak e dinë që unë e kam kaluar shumë keq periudhën e paslindjes. Kam qenë e rrethuar me njerëz që e donin shumë Noahn dhe mua, por po më ndryshonte jeta në një mënyrë të çuditshme. Ky ndryshimi drastik i jetës më bëri ta kaloja shumë keq. Ato kilogramët e tepërt, goca më besoni që mund t’i humbni shumë shpejt, janë shumë të parëndësishme. Por, unë në atë periudhë e kam kaluar më keq seç duhet dhe nuk ia fal vetes akoma që nuk e kam shijuar si duhet periudhën e paslindjes sepse mendoja gjëra të parëndësishme.”
View this post on InstagramADVERTISEMENT
Në fund, Fatma e mbylli me një mesazh shumë kuptimplot për të gjitha nënat e reja: “Gjej hapësirën t’ju them mamave që mund të jenë pa gjumë, që jeta e re po ju duket e çuditshme, më vonë do ta kuptoni se kjo është gjëja më e bukur që po bëni në këtë botë”.
