Ditën e djeshme janë hapur audicionet për emisionin më të ri që do fillojë në Klan, “Kush e futi në kurth Peter Pan”, një emision i dedikuar tërësisht fëmijëve me talent dhe aftësi të jashtëzakonshme, me produksionin e Alketa Vejsiut dhe Vera Grabockës.
“Xing.al” bën me dije se plot 400 fëmijë kanë marrë pjesë vetëm ditën e parë të audicioneve.
“Kush e futi në kurth Peter Pan” është një produksion televiziv i suksesshëm italian, prodhim i kompanisë së famshme Endemol dhe i transmetuar në më shumë se 20 vende të botës.
Lajmin se ky emision do të fillojë në shkurt e dha Alketa Vejsiu dy javë më parë. “Jam shumë e lumtur që në muajin shkurt do të nisim në Tv Klan një program të ri. Është një format shumë interesant, sepse ka në fokus fëmijë”, u shpreh moderatorja.
Pjesë e këtij emisioni do të bëhen edhe emra të njohur të ekranit të cilët do të sfidohen nga fëmijët.