Pak më parë ngritëm pyetjen se “çfarë ndodhi me promon e Big Brother Albania?”, e publikuar gjatë ditës së sotme në rrjetet sociale, por që tashmë nuk gjendet më askund në faqet zyrtare që e shpërndanë. Përgjigjen me shumë gjasë e kemi gjetur, pasi pamë reagimin e Fifit për klipin që Top Channel kishte realizuar për promovimin e edicionit të dytë të reality show-t.
Pjesë e spot-it ishte edhe momenti kur këngëtarja humbi ndjenjat gjatë “live”-t të programit vitin e shkuar, moment sigurisht i shumë komentuar dhe që mbetet në memorien e të gjithëve. Pikërisht për këtë artistja ka reaguar me anë të një seri video-sh në Instagram-in e saj, ku i drejtohet televizionit dhe producentes Lori Hoxha, teksa përmend të gjithë ato cka bëri gjatë qëndrimit në shtëpinë më të famshme në Shqipëri.
Kështu, Fifi tregon se i ka humbur ndjenjat dy herë gjatë “aventures” në shtëpinë e BBV, e megjithatë bëri edhe shumë gjëra të tjera, qeshi, qau, përjetoi emocione, pati përplasje, bëri “rrengje” ndaj banorëve të tjerë, i trembi me historinë e famshme të shkopit e sigurisht, shkroi edhe dy këngë, njëra prej të cilave u shëndrrua në hitin më të madh të saj.
Nisur nga kjo, Fifi “i kërkon llogari” atyre që kanë realizuar promon, se përse nuk janë bërë këto momente të tjera pjesë të tij, por vetëm humbja e ndjejave. Artistja pyet përse e kanë rikthyer këtë moment të dhimbshëm për të dhe familjen e saj, që janë përpjekur shumë ta harrojnë, ndërsa po ashtu ngre dyshimet se ata duan që t’i risjelljen në mendje publikut se këngëtarja ka bërë gjithcka për të marrë vëmendje dhe ajo cka i ndodhi ishte dicka që ” e bëri vetë”,
Në fund ajo bën disa falenderime ironike për televizonin, ku përmend edhe fjalinë “Faleminderit që po më shkatërroni jetën”, ndërsa bën edhe njëherë llogaritë për sa ditë ka qëndruar në shtëpi sepse sic thotë, nuk është shumë mirë në matematike.
https://youtu.be/kIw6oAikxUk
E ndoshta ky reagim i Fifit është vërtetë arsyeja pse kanë zgjedhur që promon ta heqin dhe ta rihedhin sërish me një version tjetër.
