Transmetuesi i njohur radio-televiziv shtetëror grek ERT, i mbyllur në vitin 2013 nga qeveria e mëparshme drejtuar nga kryeministri Antonis Samaras u rihap muajin e kaluar me urdhër të qeverisë së Kryeministrit Alexis Tsipras, dhe nga dita e djeshme e ka filluar transmetimin e programeve televizive dhe radiofonike.
Punonjësit e ERT u pushuan nga puna me 11 qershor 2013 – kur qeveria vendosi të mbyllë stacionin me dekret ‘ad hoc’ te kërkuar nga Samaras i cili akuzonte Drejtuesit e Televizionit shtetëror si të politizuar dhe të njëanshëm, dhe e konsideronte ecurinë ERT një humbjë të madhe të parave publike – dhe u riintegruan në punët e tyre në sajë të një vendimi për këtë qëllim miratuar nga Parlamenti më 29 prill 2015.
Me vendimin e ri ERT ka filluar transmetimin e shtatë kanaleve të reja, midis te cilëve njëri në gjuhën angleze Voice of Greece (Zëri i Greqisë), drejtuar një audiencë ndërkombëtare dhe në veçanti emigrantëve grekë jashtë vendit.
