Emisioni më i përfolur shqiptar momentalisht, “Big Brother VIP 3”, po arrin kulmin e tij me finalen e madhe. Një rrugëtim i mbushur me lot, surpriza, dashuri, arritje, dhe çmenduri, por mbi të gjitha transparencë, po i afrohet përfundimit. Pesë finalistët, Romeo Veshaj, Julian Deda, Egla Ceno, Heidi Baci dhe Meriton Mjekiqi, kanë mbërritur në këtë pikë kulminante, ku njëri prej tyre do të shkojë në shtëpi me çmimin e madh prej mijëra eurosh.
Në natën finale të “BBV3”, Top Albania Radio (TAR) do të sjellë një transmetim ekskluziv nga Tapeti i Kuq. Teksa edhe pak orë na ndajnë nga shpallja e fituesit, aventura ende nuk ka përfunduar.
Albana Ruçi do të raportojë çdo ndodhi gjatë këtij eventi, duke sjellë intervista, foto dhe çdo detaj tjetër që të siguroheni se nuk do të humbisni asgjë. Transmetimi live në valët e Top Albania Radios me Elona Duron dhe Eni Shehun do të nisë sonte në orën 19:00, duke bërë që kjo natë të jetë e paharrueshme.Mos e humbisni këtë finale emocionuese të “Big Brother VIP 3” dhe ndiqni çdo moment për të zbuluar se kush do të jetë fituesi i madh.
