Pak ditë më parë Fiori Dardha zbuloi nëpërmjet një postimi në Instagram se do të rikthehej në Top Media, pas eksperiencave që provoi me emisionet investigative vitet e fundit në televizionet e tjera. Megjithatë moderatorja e njohur nuk ndau detaje për emisionin e ri, pavarësisht kuriozitetit të ndjekësve, ndërsa kujtojmë se programi i fundit që ajo ka drejtuar në Top ishte “Fiks Fare”.
Gjithsesi ditën e sotme, Fiori ka vendosur që ta ndajë edhe “shtëpinë” e saj të re, sërish në rrjetet sociale, teksa bën me dije se do të jetë pjesë e Top News, televizionit informativ pjesë e Top Medias. Kështu, moderatores i është besuar “Breaking”, emision tashmë i njohur i këtij televizion, që trajton lajmet e fundit dhe temat “e nxehta” të ditës, ndërsa tashmë nisur nga pjesëmarrja e Fiorit, programi ka ndryshuar edhe emrin në “Breaking nga Fiori Dardha”.
Gazetaren do ta shohim sërish cdo ditë në ekran, nga e hëna në të premte, nën drejtimin e një prej studiove më të ndjekura të informacionit, ndërsa ne i urojmë mjaft suksese dhe një rikthim të mbarë!
Marrë nga News31
