Sipërmarrësi Francesco Becchetti padit shtetin shqiptar. Dosja voluminoze me të gjitha provat se akuzat kundër Becchetti-t dhe ortakëve të tij në biznes janë të fabrikuara është dorëzuar tashmë në qëndrën ndërkombëtare për zgjidhjen e mosmarrëveshjeve të investimeve.
Përfaqësuesi ligjor i Becchetti-t në këtë proçes është avokati “Phelippe Pinsolle”, i cili njihet sepse ka fituar gjyqin më të madh në histori. Pinsolle është ai që e ka detyruar Rusinë dhe Vladimir Putin ti paguaj firmës private “Yukos” të biznesmenit Kodorkovski mbi 50 miliard dollarë. Ngjashmëritë e këtyre dy çështjeve e kanë nxitur avokatin e famshëm Pinsolle që me dëshirë të plotë të marrë këtë çështje në dorë.