Pjesa dërrmuese e shqiptarëve që kanë preferuar ta kalojnë festën e ndërrimit të viteve në shtëpi, kanë zgjedhur që edhe këtë vit të shohin Top Channel. Sipas të dhënave të matësit më profesional të audiencës, “Telemetrix”, programi i këtij viti “Friend Request” (prodhim i show-t humoristik “Portokalli”, ka marrë terren mbi tre televizionet e tjera që figurojnë si më të shikuarat në fashion e orarit 20:00 – 00:00. Madje pas orës 22:00, “Friend Request” ka kapur rreth 70% të audiencës, duke i bërë gati të papërfillshme prodhimet e tre televizioneve të tjera, përkatësisht TV Klan, Vizion Plus dhe TVSH.
Pasditja nisi me topin në fushën e TV Klan, ku nga ora 18:20 deri në orën 19:30 u transmetuan dy seri të telenovelës më të shikuar indiane “Bidai” me shikueshmëri absolute mbi çdo ekran tjetër. Më pas televizioni kombëtar dhe konkurrenti i tij më i fortë Top Channel, luftuan me gati të njëjtën audiencë, si me edicionet qëndrore të lajmeve ashtu edhe me prodhime të tjera. Në Klan u transmetua një seri premiere e “Ertugrul” dhe në “Top Channel” një speciale fundviti nga “Fiks Fare”. Kjo luftë audience vijoi deri në orën 21:30, kur nisi “Friend Request” dhe Top Channel (siç ilustrohet në grafik) pati një ngjitje të menjëhershme për të mos zbritur më. Specialja e Vitit të ri nga “Dance ëith me 2” në TV Klan (që nisi në 20:45) , arriti të kapte mbi 20% të audiencës vetëm gjatë transmetimit të “Fiks Fare” në ekranin kundërshtar, por më pas ajo pësoi rënie të menjëhershme përballë “Friend Request”, duke luftuar pranë orës 00:00 me konkurrentin e saj “Dancing with the Stars”, e cila transmetoi finalen me një shikueshmëri shumë të ulët, konsideruar me vitet e tjera.
Marre nga Anabel
