Tema e ditës dhe kryefjala e lajmeve në televizionet shqiptare ka qenë ditën e djeshme kronologjia drejt miratimit të Reformës në Drejtësi. Akademiku dhe profesori Artan Fuga e ka cilësuar një dramë faktin se TVSH si i vetmi televizion publik shqiptar nuk bën të njëjtën gjë por transmeton në ekran rrethin ciklistik të Francës.
Në një postim në rrjetin social Facebook Artan Fuga shkruan se ky veprim i kujton vitin 1981 kur kryeministri shqiptar vrau veten e televizioni i Propagandës totalitare transmetonte këngë.
“Uauaua : Te gjitha televizionet dhe mediat e Shqiperise e kane perqendruar vemendjen non stop te tragjikomedia qe po ndodh ne Kuvendin e Shqiperise, ku luhen fatet e demokracise shqiptare, kurse Radiotelevizioni shqiptar, media jone publike, jep ne ekran rrethin ciklistik te Frances. Ne vend te behej zeri i qytetareve per te shprehur gjykimet e tyre per drejtesine qe ata duan. Me kujtohet 17 dhjetori 1981 kur kryeministri shqiptar vrau veten dhe televizioni i propagandes totalitare transmetonte kenge nga festivali i Gjirokastres. Cfare drame!!!”-shkruan profesori
Marre nga S.m/shqiptarja.com
