Mes shumë shkeljeve të ISHSH me masat arbitrare ndaj Rtv Ora, akademiku dhe profesori Artan Fuga rendit edhe kalimin e urdhrit te AMA.
Me ironi, ai thotë se ky është një rast studimor i shkëlqyeshëm për t’ua shpjeguar studentëve të vitit të parë të gazetarisë.
Kritika të shumta ai ka edhe me AMA dhe reagimin e saj se nuk ka pasur njeri qëllim të mbyllin televizionit.
Fuga thotë se AMA duhet të jetë e guximshme dhe të mos marrë në mbrojtje administratën, pasi siç thotë ai AMA siç ka për detyrë të bëjë rregullatorin, duhet edhe të mbrojë operatorin.
Sipas Fugës, “më e pakta që duhet të shpjegojë AMA është se tjetër është sinjali televiz, tjetër ndërtesa, tjetër gazetaria, tjetër biznesi. Nëse këto reduktohen te një, krijohen paligjshmëri”.
Fuga: Kalimi i urdhrit të AMA është pa sens.Fillon etapa e dytë e nonsesnsit, e situatës qesharake.Është një rast studimor i mrekullueshëm për t’ua shpjeguar studentëve në të ardhmen, studentëve në vitin e parë, që ata ta kuptojnë. I shumti viti i dytë nuk shkon te Doktoratura se kërkon raste më të komplikuara. Shkon te AMA dhe kjo përgjigjet me një shkresë ku thotë mos u mërzitni se nuk bëhet fjalë për mbyllje. Të drejtë ka ajo, se e dinë ata. Por unë problemin e kam pak dhe me miqtë e mi te AMA, se ata mirë e kanë por thonë në një moment se nuk kanë pasur qëllim të mbyllin. Ju jeni institucion dhe nuk gjykoni qëllimet e një insitucioni tjetër.
Nuk është detyra juaj. AMA nuk merr asnjë urdhër nga ISHSH se AMA nuk ka tagër të merret me ndërtesat dhe tullat. Nuk mundet dot të ndalojë sinjalin televiziv se është realitet tjetër.Do të kisha parapëlqyer që AMA të thoshte nuk merremi me këtë punë, nuk është puna jonë kjo.E fundit, a duhen marrë masa? Mendoj që po, jam partizan i masave të forta kundër Covid se mendoj se është rrugëve këtu te ne dhe duhet bërë kujdes. Por masa ka gradualitet. E pe që në një emision është kështu gjobiti 500 mijë lekë, 1 milion se i dhëmb atij gazetarit. Pse dënon vetëm gazetarin dhe televizionin, po i ftuari që erdhi? Nëse kanë bërë veprim të diferencuar këtu fillon qëllimësia që fillon dhe dyshon njeriu. Po hajde se ata e thyen për një cilësi pune, për ti shërbyer publikut.Nuk është si shitësi që ka 100 dyqane dhe e bën për qëllime fitime, këta e bëjnë pa qëllime fitimi. Por sëpari do të duhej një këshillim. Mund të ishte një herë e dytë me një gjobë.
Ka gradualitet këtu, kur shikoj atë fletën e bakallit që thuhet mbyllet Amerika. Bisedohet njëherë me pronarin dhe drejtorin, shkohet në AMA. Këta janë njerëz të medias dhe nuk mund ti trajtosh si një pijanec që ecën me 180 në orë dhe rrezikon jetën e njerëzve. Është qesharake se nuk ke ku e kap. Vendimi nuk zbatohet, nuk ka gjykatë ta marrë në shqyrtim.Ka hiearki shteti, ka rregull, administratë, nivele vendimmarrje dhe ngadalësi në veprim. Do shumë kujdes kjo gjë. Nuk shikoj një gjë serioze por ju keni shumë të drejtë që opinioni dhe gazetarët duhet të mobilizohen, aktorët e mediave duhet të jenë solidarë me njëri-tjetrin dhe jo ishalla mbyllet se ja marr unë audiencën. Besoj te profesionalizmi i drejtuesve të AMA dhe dua të jenë më të guximshëm, nuk më pëlqen që thuhet nuk ka pasur njeri qëllim të mbyllë. Pse e merr në mbrojtje administratën kundër operatorit tënd që ti duhet ta rregullosh por edhe ta mbrosh, e shikoj AMA-n në anën e operatorit.Ku e di unë që nuk deshi ta mbyllte, aty thuhet në shkresë.
AMA duhet ti shpjegojë Ministrisë së Shëndetësisë me shkresë zyrtare se nuk ëdhtë specialiste në këtë fushë.Kompetencat për të mbyllur një media audiovizive kalojnë përmes ligjit, Kushtetutës, konventave. Nuk është vetëm në dorë të inspektorit sanitar. E pakta që duhet të shpjegojë AMA është se tjetër është sinjali televiz, tjetër ndërtesa, tjetër gazetaria, tjetër biznesi. Nëse këto reduktohen te një, krijohen paligjshmëri.Liria e medias ka shumë probleme në Shqipëri.A ka këtu vend që forca të ndryshme politike, gazetarë etj të vënë gishtin dhe të thonë ja dhe ky rast? Po ka vënd. Është cënim, shqetësim i gazetarëve, lirisë, i operatorit.