Në sezonin e 7 të Game of Thrones do të shohim personazhe të rinj që do të uzurpojnë Shtatë Mbretëritë: ja cilët do të jenë rolet ndërkohë që vazhdojnë audicionet për aktorët.
Do duhet të presim gjatë për të zbuluar detaje nga Game of Thrones 7, duke konsideruar që xhirimet do të nisin gjatë dimrit (atij të vërtetë). E megjithatë, detaje jo pak të rëndësishme kanë filluar të përhapen në rrjet rreth asaj që na pret nga sezoni i ri.
Në sezonin e shtatë të Game of Thrones do të njihemi me personazhe të rinj që do të pasurojnë listën e gjatë të aktorëve që janë pjesë e cast-it të serialit. Drejtëpërdrejtë nga faza e audicioneve, community i Watchers On The Wall ka arritur të zbulojë rolet e këtyre personazheve të rinj: është fjala për informacione të përgjithshme, role për të cilët ende nuk ka një emër por që japin idenë bazë të personazheve.
Eshte fjala për role mjaft të ndryshëm nga njëri-tjetri, midis tyre gjejmë një ekspert ushtarak, një luftëtar i fuqishëm dhe mjat i zoti në fushë betejë, një grua tërheqëse dhe shumë të rinj të tjerë.
Ja detajet, por kujdes nga spoiler!
- Gjeneral, rreth 40-55 vjeç. Eshtë një ushtarak me shumë eksperiencë prandaj kërkohet një aktor i bardhë me theksin anglez. Aktori duhet për javën e 6 shtatorit.
- Prift, rreth 60 vjeç. Nje prift i nderuar dhe me autoritet moral dhe sjellje solemne. Seriali kërkon një aktor me njgyrë të bardhë dhe theks anglez, me një pamje të përshtatur për këtë rol. Aktori do të xhirojë për një javë, nga 22 shtatori.
- Luftëtar, rreth të 35-45 vjeç. Personazhi duhet të ketë pamjen e të fortit dhe qasjen e një luftëtari. Do të ketë gjithashtu një pjesë të madhe dialogu. Eshtë një rol i përshtatur për një aktor të nivelit të lartë. Sipas të dhënave nuk mund të jetë një Dothrak, duke qënë se kërkohet një aktor anglez. Aktori do të xhirojë përgjatë gjithë muajit tetor.
- Roje rreth 20 vjeç. Personazhi përshkruhet si një banor i Veriut me një karakter të veçantë dhe pamje tipike që do të marrë pjesë në disa skena të rëndësishme. Kërkohet një aktor që do të xhirojë gjatë muajve nëntor-dhjetor.
- Roje e qytetit rreth 30 vjeç. Seriali kërkon një personazh në rolin e rojes në ndjekje të një të dyshuari gjatë turnit të natës. Një aktor me theks anglez që do të xhirojë në gjysmen e dytë të tetorit.
- Tregëtar, rreth 40 vjeç. Tregëtari do të shfaqet në një tavernë. Një rol që nuk do të jetë pjesë e një luftimi.
- Një zonjushë e re tërheqëse. Seriali është në kërkim pikërisht të një Lady të re të hijshme dhe e sigurt tek vetja. Një rol me ku do të ketë mjaft batuta dhe nudo integrale. Edhe këtu origjina e personazhit nuk është e përcaktuar. Do të jetë një personazh që do e shohim në Essos ose në ndonjë tjetër location dhe do të xhirojë në tetor.
- Një zotëri i ri rreth 20 vjeç. Një lord i ri, i gjatë dhe i pashëm me prejardhje angleze. Aktori do të xhirojë një javë, nga 20 shtatori.
- Toger rreth 20 vjeç. Personazhi përshkruhet në formë fizike perfekte dhe një luftëtar i zoti. Sipas përshkrimit mendohet se personazhi do të jetë një Dothraki dhe do të xhirojë gjatë muajve shtator-nëntor.
Kërkesa për qytetarët e Veriut tregon se do të kemi një sezon plot aksion në sezonin e ri. Gjithcka mbetet për tu parë…
