Winter is comming! HBO njoftoi datën që do të shënojë ardhjen e shumë pritur për premierën e sezonit të gjashtë të Game of Thrones: shfaqja do të kthehet me dhjetë episodet e reja të dielën e 24 prillit.
Shumë prej pyetjeve që kërkojnë përgjigje në këtë sezon të ri janë mbi fatin e Jon Snow (Kit Harington) dhe kthimin në skenë të Bran Stark (Isaac Hempstead-Wright), ku sezonin e kaluar nuk ishte prezent në asnjë episod.
Prodhuar nga D. B. Weiss dhe David Benioff, sezoni i gjashtë do të parashikojë ngjarjet e treguara në romanin e gjashtë të Kronikat e akullit dhe zjarrit të shkrimtarit George R.R. Martin, me titull The Winds of Winter, i cili nuk do të publikohet para transmetimit në ekran të serialit të HBO.
Në cast-in e aktorëve nga sezonet e mëparshme do të shtohet këtë vit, Ian McShane, Max von Sydow (Korbi me tre sy), Pilou Asbæk (Euron Greyjoy), Freddie Stroma (Dickon Tarly), Richard E. Grant (Izembaro), James Faulkner (Randyll Tarly), Samantha Spiro (Melessa Tarly), Rebecca Benson (Talla Tarly).
Kujtojmë se seriali Game of Thrones, i njohur për publikun shqiptar me titullin “Froni i shpatave”, trasmetohet si premierë në kanalin Top Channel, ku është vonuar për trasmetimin e sezonit të kaluar.
Burimi TvLine
