HBO dhe Live Nation kanë lajmëruar ditë më parë eventin ekskluziv Game of Thrones Live Concert Experience, i parashikuar për vitin 2017. Eshtë fjala për një tour – fillimisht i planifikuar vetëm për në Shtetet e Bashkuara – në të cilin do të përdoren teknologji të avancuara, ku kompozitori Ramin Djawadi sëbashku me orkestrën dhe korin do të performojnë pjesët muzikore nga seriali televiziv.
Koncertet do të jenë unik në llojin e tyre edhe sepse do të ndërthurin musikën me imazhe: gjatë performancës, fansat do të “përhumben” në mbretëritë e ndryshme të Westeros dhe Essos falë paraqitjes së skenave të filmit dhe skenave të reja të krijuara apostafat për shfaqjen.
Turi do të vizitojë 28 qytete të Amerikës së Veriut duke filluar nga 15 shkurti në Kansas City, për të vazhduar në qytete të tjera si New York, Los Angeles, Montreal. Boston, Houston, Las Vegas, Philadelphia, Washington DC etj.
Shitja e biletave do të bëhet nga LiveNation.com duke filluar nga 13 gushti.
