Game of Thrones: Zbulohet muaji (i mundshëm) se kur do të fillojë sezoni i tetë dhe i fundit!

Të gjithë e dimë tashmë që Game of Thrones do të rikthehet për sezonin e tetë dhe finalin në vitin 2019.

E ndërsa lajmi u dha para pak javësh nga HBO, shumë fansa reaguan duke u dëshpëruar për pritjen e gjatë që do të sjelli seriali i njohur.

Por ndërsa presim, tashmë kanë filluar edhe aludimet e para se kur GoT do të nisi transmetimin.

Maisie Williams e cila luan rolin e Aria Stark në serial është shprehur për të përditëshmen britanike “Metro” se muaj në të cilin Game Of Thrones mund të fillojë është Prilli i 2019-ës, duke qenë se puna për xhirimet ka nisur Dhjetorin e kaluar (2017).

Game of Thrones sezonin e shtatë të tij pati një sukses mjaft të madh ashtu si edhe pritej me debutimin e tij në verë. Por mesa duket, Prilli i 2019-ës do jetë “tepër i ftohtë”, kështu që bëhuni gati!/IMA/